Mist Rúnarsdóttir @MistRunarsdotti

Textalýsing Skýrslan Viðtöl

Hvað réði úrslitum? Færanýtingin. Bæði lið fengu tækifæri til að skora en heimakonur fóru mun betur með sína sénsa. Þær Gloria, Guðmunda og Grace tengdu virkilega vel saman og fóru mikinn í sóknarleik KR ásamt hinni sívinnandi Betsy Hasset. Bestu leikmenn 1. Gloria Douglas Rétt eins og í síðasta leik gegn Þór/KA fann Gloria Douglas sig vel. Hún skoraði tvívegis og lagði upp mark. Sagði svo í viðtali eftir leik að henni liði vel í Vesturbænum og væri til í að spila þar áfram næsta sumar. KR-ingar eflaust afar kátir með Gloriu í dag. 2. Guðmunda Brynja Óladóttir Mark og stoðsending hjá Gummu sem var flott í sóknarleik KR. Betsy Hasset gerir einnig tilkall í titilinn en hún vann mjög vel á miðjunni hjá KR. Atvikið Guðmunda Brynja skorar annað mark KR algjörlega gegn gangi leiksins. Fór illa með Biöncu Sierra og kláraði framhjá Elian. Kjaftshögg fyrir gestina.

Hvað þýða úrslitin? KR-ingar tryggja veru sína í deildinni þar sem að Keflvíkingar töpuðu í dag og geta ekki náð Vesturbæingum að stigum. KR-Grýlan heldur áfram að stríða Þór/KA en KR-ingar hafa nú unnið þrjá síðustu heimaleiki gegn norðankonum. Vondur dagur Fyrsti sólarhringur markvarðarins Elian Domingo í herbúðum Þór/KA hefur verið erfiður. Markvörðurinn er búin að vera flott með Sindra í 2. deild í sumar og lék með þeim í gær. Í gærkvöldi fékk hún svo leikheimild með Þór/KA og var mætt á milli stanganna í dag. Hún átti tvær fínar vörslur en virkaði að öðru leyti óörugg og átti að gera betur í allavega þremur mörkum KR-inga. Tapið skrifast þó ekki á hana enda gekk sóknarmönnum Þór/KA illa upp við mark andstæðinganna og reynsluboltarnir Bianca Sierra og Arna Sif litu stundum illa út í öftustu línu Þórs/KA. Heilt yfir dauf frammistaða hjá norðankonum. Dómarinn - 7,5 Fín frammistaða hjá tríóinu. Ekki yfir neinu að kvarta.

- Meðalaldur 26 ár