Mist Rúnarsdóttir @MistRunarsdotti

Textalýsing Skýrslan Viðtöl

Hvað réði úrslitum? Leikurinn var opinn og skemmtilegur og bæði lið fengu fullt af færum. Sem betur fer réði klaufagangur í öftustu línu Blika ekki úrslitum heldur frábær karakter og flottur viðsnúningur. Þar hafði innkoma Hildar Antonsdóttir áhrif en hún kom inn af miklum krafti um miðjan síðari hálfleik. Bestu leikmenn 1. Berglind Björg Þorvaldsdóttir Flottur leikur hjá framherjanum og tvö frábær slútt með skalla eftir fallegar sóknir Blika. Gerði virkilega vel í að kljást við stóra og líkamlega sterka varnarmenn andstæðinganna út allan leikinn. 2. Hildur Antonsdóttir Blikar voru 2-1 undir þegar Hildur kom inná. Hún hafði strax áhrif á leikinn og átti stóran þátt í viðsnúningi Breiðabliks. Hildur er að koma til baka eftir meiðsli og sýndi þarna hversu mikilvæg hún er í Blikaliðinu. Atvikið Sigurmark Breiðabliks. Karólína Lea skoraði með hnitmiðuðu skoti eftir þvílíkan barning og baráttu ala Hildur Antons og Blikar unnu 3-2 sigur eftir að hafa lent undir í tvígang.

Hvað þýða úrslitin? Blikar leiða 3-2 eftir fyrri leikinn. Eru því í fínni stöðu fyrir þann síðari sem spilaður verður í Prag eftir rúmar tvær vikur. Vondur dagur Markvörðurinn Sonný Lára leit illa út í báðum mörkum Sparta Prag og var ekki eins örugg á boltanum og hún er vanalega. Ekki hennar dagur. Dómarinn - 5 Ekkert spes frammistaða hjá grísku dómurunum. Nokkrir furðulegir dómar og lítið samræmi á köflum.