Það bjuggust nú flest allir við sigri Hauka í kvöld og nákvæmlega svona leik, þar sem Hauka stelpur lágu á vörn ÍR og sóttu og sóttu. Ekkert eitt sem réði þessum sigri en allar stelpurnar í Haukum spiluðu frábærlega. Sæunn var sem vél á vellinum og Vienna, Sierra, Katrín Mist, Heiða Rakel og Dagrún fá hér allar hrós en allt liðið var flott og pressaði einnig gríðarlega vel í hvert sinn sem gestirnir voru með boltann.

Seinna mark Hauka og Viennu. Það þurfti mikið til þess að komast yfir, Hauka stelpur lágu á ÍR en náðu ekki að koma boltanum aftur inn í netið fyrr en á 79. mínútu og þvílikt mark sem það var. Gullfalleg chippa hjá Viennu og eftir þetta voru allir vissir um Hauka sigur.

Það breytist ekkert eftir þennan leik. ÍR áfram á botninum og Haukar áfram í 4. sæti nema með auka 3 stig. Tindastóll vann sinn leik en með úrslit í þeirra hag hefðu Hauka stelpur getað stolið þriðja sætinu en svo var ekki.

Annar vondur dagur fyrir ÍR. Alls ekki búið að vera gott tímabil hjá þeim og þetta var sextándi tapleikur þeirra í 18 leikjum í deildinni. Þær voru búnar að falla fyrir leikinn en samt sem áður alltaf súrt að tapa og leiðinlegt fyrir Evu að týna svona góðri frammistöðu í vondu tapi.

Glerharður hann Olgeir, lét engann komast upp með neitt og spjaldaði ekki nema það átti við. Einungis eitt spjald fór á loft og það var hárrétt ákvörðun. Hann var með góð tök á leiknum og vissi hvað hann var að gera.