Leiknismenn virtust hreinlega vilja þetta meira. Voru ofaná í baráttunni úti á velli, hlupu úr sér lungun og virtust trúa mun meira á verkefnið. Á sama tíma var ákveðið andleysi yfir Keflvíkingum og talsverður pirringur.

Grípum niður í textalýsinguna þar. Maaaark!!!! Sævar Atli fær boltann í fætur með bakið í markið, leggur botlann í hlaupið hjá Daníel sem lætur vaða af 25 metrum og boltinn syngur í samskeytunum. Sindri átti aldrei möguleika í markinu! Þvílíkt skot! Markið einkar glæsilegt sem skorað var á 60,mínútu og verðskuldar þennan reit.

Keflavík mistekst að tylla sér á toppin með Þór og missir þar að auki Leikni fram úr sér í töflunni. Nóg eftir af mótinu. Leiknir hendir sér í 7 stig og er 2 stigum á eftir toppliðunum.

Það er af nógu að taka hér. Sköpunargleðin fram á við sem einkenndi Keflavík í fyrstu leikjum mótsins var ekki til staðar í dag. Uppspilið gekk illa og leikplanið gekk engan vegin upp. Vont fyrir þjálfara að horfa uppá það og fá því Eysteinn Húni og Sigurður Ragnar skráðan vondan dag.

Lala hjá Einari í dag. Flautaði á köflum á lítið sem ekkert en slapp þó ágætlega frá sínu. Aðstoðardómari 1 virðist þó hafa klikkað illa og tekið löglegt mark af Leikni í fyrri hálfleik.