Rauða spjaldið á fyrstu mínútu leiksins setti stórt strik í reikninginn hér í dag. Það sást ekki á Völsurum í byrjun að þær væru manni færri en þegar líða tók á seinni hálfleik og þreytan fór að segja til sín gátu þær lítið annað en að pakka í vörn.

Hér er hægt að nefna margt! Cecilía átti magnaða vörslu, Sandra varði víti og Sólveig Larsen fagnaði með flikk-flakk-heljarstökki. Skemmtilegur leikur hér í kvöld.

Úrslitin þýða að Valur eru enn taplausar á toppnum, en ekki með fullt hús stiga. Breiðablik, sem sitja í öðru sætinu eiga þó leik til góða. Það stefnir í spennandi toppbaráttu á milli þessara liða og vonandi eiga fleiri eftir að blanda sér í þá baráttu). Það gæti því reynst dýrkeypt að missa af stigum hér í kvöld. Fylkir stimplar sig inn í topp baráttuna og hafa strítt þeim liðum sem var spáð ofan við þær í töflunni.

Þrátt fyrir að Elísa Viðars hafi aðeins spilað 1 mínútu, verð ég að gefa henni þetta. Fékk rautt spjald á fyrstu mínutu leiksins og skyldi liðsfélagana eftir manni færri í 90 mínútur.

Gerði rétt í vítaspyrnudómnum og heilt yfir ágætur, en mér fannst vanta að halda línunni. Lét stundum leikinn ganga þegar hann hefði vel mátt dæma að mínu mati og öfugt.