Arnar Helgi Magnússon @arnarmagnusson

- Meðalaldur 30 ár

- Meðalaldur 21 ár

Textalýsing Skýrslan Viðtöl

Hvað réði úrslitum? Selfyssingar héldu vel í boltann til að byrja með og reyndu hvað eftir annað að finna glufur á vörn Þórs/KA en það gekk bara ekki neitt. Sama hvað var reynt. Gestirnir refsa með frábæru marki og fara með forystu inn í hálfleikinn. Alfreð tók gamla góða hárblásarann á sínar stelpur í hálfleik og það skilaði sér því liðið var komið í forystu eftir einunigs tólf mínútur í síðari hálfleik. Eftir það var Selfoss með öll völd og vellinum og hefði liðið geta bætt við fleiri mörkum. öll völd á vellinum í síðari hálfleik. Bestu leikmenn 1. Barbára Sól Gísladóttir (Selfoss) Á stoðsendinguna í fyrra marki Selfoss og algjöra lykilsendingu í síðara markinu. Spilaði í bakverði til að byrja með og var þá upp og niður endalaust. Fékk síðan önnur hlutverk í leiknum sem hún leysti líka vel. Flottur dagur hjá Barbáru. 2. Harpa Jóhannsdóttir (Þór/KA) Gerir frábærlega þegar hún ver vítaspyrnu frá Dagnýju Brynjarsdóttir í fyrri hálfleik. Fyrir utan það var hún örugg í öllum sínum aðgerðum. Varði nokkur skot og það er ekki hægt að kenna henni um mörkin tvö. Atvikið Harpa Jóhannsdóttir, markvörður gestanna, gerði sig seka um slæm mistök í síðustu umferð. Hún kom sterk til baka í dag og varði víti frá landsliðskonunni Dagnýju Brynjarsdóttir.

Hvað þýða úrslitin? Selfyssingar eru komnir á sigurbraut eftir að hafa gert jafntefli á móti nýliðunum í síðustu umferð. Liðið er með tíu stig eftir sex leiki. Þór/KA er áfram með sín sex stig. Vondur dagur Ég varð fyrir miklum vonbrigðum með það hvernig Selfyssingar komu inn í leikinn í dag eftir jafnteflið gegn Þrótti í síðustu umferð. Ég bjóst við kröftugu Selfossliði en það virtist ekki rauninn til að byrja með. Því gef ég Selfoss-liðinu í fyrri hálfleik vondan dag. Dómarinn - 7,5 Heilt yfir nokkuð góð frammistaða frá dómurum dagsins sem voru allir kvenkyns. Ekki oft sem maður sér það. Alltaf einn og einn dómur sem að fólk er ekki sátt við en stóru ákvarðanirnar voru upp á tíu.

- Meðalaldur 27 ár

- Meðalaldur 29 ár