Nokkuð jafn leikur framan af. Bæði lið áttu sín færi og voru leikar mjög jafnir í fyrri hálfleik. Garðbæingar voru þó mikið betri í seinni hálfleik og hefðu auðveldlega átt að skora fleiri á meðan Árbæingar komust varla yfir miðju. En fótbolti gengur víst út á að skora mörk og í dag skoraði Fylkir fleiri mörk en Stjarnan.

Glæsimark Evu Rutar. Mjög bragðdaufur leikur fram að markinu og svo kemur Eva með þetta svakalega mark af rúmum 40 metrum. Alvöru sleggja.

Fylkir stelur 3. sætinu af Selfossi, þrátt fyrir að hafa leikið einum leik minna. Frábær byrjun á mótinu hjá þeim. Stjarnan er í 7. sæti enn með sín 6 stig en geta verið sáttar með frammistöðuna.

Shameeka Fishley. Fékk svona 3-4 dauðafæri sem hún klúðraði og lætur svo reka sig út af fyrir olnbogaskot.

Þetta var bara fínt hjá tríóinu í dag held ég. Eina stóra ákvörðunin sem þeir þurftu að taka var rauða spjaldið sem mér fannst vera rétt. Annars létu þeir lítið fyrir sér fara og komust ágætlega frá leiknum.