Þetta var furðulegur leikur og ekki mikið fyrir augað. ÍBV náði að skora en ekki FH. Þær lokuðu vel á FH í síðari hálfleik og náðu að halda forystunni út leikinn.

Í lok fyrri hálfleiks fékk FH hornspyrnu þar sem Sísí náði góðum skalla á markið sem var bjargað á línu. Boltinn virtist fara í hönd varnarmann ÍBV og vildu FH fá vítaspyrnu. Hefði getað breytt leiknum.

ÍBV slíta sig frá FH og koma sér í 6 stig við hlið Þór/KA og Stjörnunnar. FH sitja eftir í fallsæti með 3 stig.

Erfitt að taka einhverja eina út en FH liðið í heild sinni gekk illa á síðasta þriðjung í dag. Fóru illa með nokkur færi í fyrrihálfleik sérstaklega og voru mikið að reyna langa háa bolta í seinni hálfleik sem skiluðu þeim engu.

Frekar ósannfærandi í dag dómarinn. Var ekki með góð tök á leiknum og leyfði leikmönnum og þjálfurum að æsa sig heldur mikið. Nokkrar furðulegar ákvarðanir og svo spurning með hendi-víti í lok fyrri hjá FH.