Hafliði Breiðfjörð @haflidib

- Meðalaldur 12 ár

- Meðalaldur 26 ár

Textalýsing Skýrslan Viðtöl

Hvað réði úrslitum? Það má kannski segja að hertar smitvarnaraðgerðir hafi skipt sköpum í þessum leik í dag. Þegar það varð ljóst í dag að Fram spilar ekki fótbolta næstu daga ákvað Jón Sveinsson þjálfari liðsins að breyta byrjunarliðinu og hópnum. Albert Hafsteinsson, Fred og Orri Gunnarsson byrjuðu því í stað þess að vera utan hóps. Albert var frábær í leiknum, Fred skoraði jöfnunarmarkið og sigurmarkið í vító og Orri stóð sig vel. Bestu leikmenn 1. Ólafur Íshólm Ólafsson, Fram Varði oft á tíðum frábærlega í leiknum og þar á meðal þrisvar í sömu sókn á nokkrum sekúndum auk þess að verja eina vítaspyrnu frá Fylki. Verðskuldaður maður leiksins gegn uppeldisfélagi sínu. 2. Tryggvi Snær Geirsson, Fram Þrátt fyrir að vera varamaður þá á Tryggvi skilið að vera nefndur hérna. Kom inná eftir klukkutíma og gaf sóknarleiknum nýtt líf. Fiskaði líka vítið. Atvikið Það var skrítið að sitja á svona leik sem ræðst á vítaspyrnukeppni að hafa ekki áhorfendur í stúkunni og stemmninguna sem því fylgir. Því miður er það samt skárra en það sem framundan er því fótboltanum hefur verið slegið á frest í bili. Vonum innilega að þetta stopp verði sem styst því Íslandsmótið hefur líklega sjaldan eða aldrei verið eins skemmtilegt og í sumar.

Hvað þýða úrslitin? Fram er komið í 8 liða úrslitin í Mjólkurbikarnum þetta árið. Jón Sveinsson þjálfari liðsins vill bara heimaleik enda sama hverjir koma í heimsókn, þeir munu fara heim til sín sem taparar. Vondur dagur Ásgeir Eyþórsson miðvörður Fylkis fær vondan dag í dag og kannski ekki fyrir frammistöðu sína sem varnarmaður sem er hans helsta hlutverk heldur fram á við. Hann fékk hættulegasta færi leiksins en misnotaði það á ótrúlegan hátt og endaði svo á að skjóta hátt yfir markið úr vítaspyrnunni sem hann tók í vítaspyrnukeppni. Dómarinn - 7 Solid leikur hjá Kristni. Stóð sig vel.

- Meðalaldur 10 ár