Baldvin Már Borgarsson @BaldvinBorgars

Textalýsing Skýrslan Viðtöl

Hvað réði úrslitum? Það verður bara að viðurkennast að Breiðablik er talsvert betra lið og leikskipulag Gróttu gekk ekki upp í lengri tíma en 45 mínútur, þangað til að þeir þurftu að fara að stíga hærra og reyna að skora mark. Bestu leikmenn 1. Kwame Quee (Breiðablik) Kwame skoraði fyrsta markið sem var gríðarlega mikilvægt, lagði upp fyrir Brynjólf og hefði getað skorað fleiri sjálfur, var að fara illa með varnarmenn Gróttu í dag. 2. Gísli Eyjólfsson (Breiðablik) Gísli og Kwame voru líflegustu leikmenn Blika í fyrri hálfleik og sköpuðu mestu hættuna, Gísli skorar í seinni og kórónar fína frammistöðu, Höskuldur fær líka honourable mention fyrir flottan leik. Atvikið Fyrsta mark Blika kemur þegar mínúta er liðin framyfir uppgefin uppbótartíma, Gróttumenn trylltust yfir því og það hefði pottþétt haft öðruvísi áhrif á leikinn hefði staðan verið 0-0 í hálfleik.

Hvað þýða úrslitin? Breiðablik er komið áfram í 8. liða úrslit Mjólkurbikarsins, Grótta ekki. Vondur dagur Bjarki Leósson átti í bölvuðu baslið með Kwame Quee og skrifa ég þetta því á hann. Dómarinn - 6 Ég verð að segja að dómgæslan hafi svolítið hallað á Gróttu fannst mér, tvöfalt vafaatriði í fyrsta markinu tildæmis þegar mér finnst brotið á Axel Frey en ekki dæmt og uppúr því fá Blikar aukaspyrnu þegar uppbótartíminn er liðinn, sumir dómar féllu með Blikum en alls ekki Gróttu en það breytir því ekki að Bryngeir er alltaf jafn flottur á velli!