Sæbjörn Þór Þórbergsson Steinke @saebjornth

Textalýsing Skýrslan Viðtöl

Hvað réði úrslitum? Svar? Klaufaskapur Leiknis á u.þ.b. fimmtán mínútna kafla í seinni hálfleik. Gangur leiks: Þetta var ansi kaflaskipt í Breiðholtinu í dag. Leiknir átti fyrri hálfleikinn og hefði í raun átt að vera komið í meira en 2-0 þegar þriðja mark liðsins kom á 43. mínútu. Þórsarar minnkuðu muninn undir lok fyrri hálfleiks og Leiknismenn áttu svo lokasókn hálfleiksins og vildu fá fyrra vítið sitt í leiknum. 3-1 í hálfleik. Jafnræði var á með liðunum í upphafi seinni hálfleiks en eftir rúmar tíu mínútur tóku Þórsarar yfir og allt stefndi í að þeir myndu jafn sem þeir og gerðu. Eftir jöfnunarmarkið voru það svo heimamenn sem voru líklegri og gerðu tilkall til annarrar vítaspyrnu. Heilt yfir geta Þórsarar verið talsvert sáttari með stigið en það var talsvert fleira jákvætt í leik heimamanna. Leiðinlegt að fáir gátu mætt á þennan leik en vonandi fá fleiri að mæta fljótlega, furðulegt að hafa nær enga áhorfendur. Bestu leikmenn 1. Vuk Oskar Dimitrijevic Skoraði tvö og gerði tilkall til að fá tvær vítaspyrnur. Vuk var mjög góður á vinstri vængnum í fyrri hálfleik og á hægri vængnum í seinni hálfleik. FH gerði að mínu viti vel með því að vera þegar búið að krækja í serbneska blómið. Þegar orðinn frábær leikmaður. 2. Sólon Breki Leifsson Þrjár stoðsendingar ef unnin aukaspyrna telst með. Sólon var mjög góður í fyrri hálfleik en eins og nær allir í Leikni átti hann ekki jafngóðan seinni hálfleik. Engin hjá Þór gerir beint tilkall, fyrri hálfleikurinn sá um það. Atvikið Vítið og ekki seinna gula þegar Guy Smit braut á Guðna Sigþórs. Svo vildu Leiknismenn fá víti þegar Hermann og Vuk áttust við. Fékk hlutlaus augu á það atvik og eftir þrjár endursýningar var sá aðili ekki viss. Ég sjálfur tel að Vuk hefði frekar átt að fá víti þegar hann hleypur á milli tveggja Þórsara í fyrri hálfleik og fer niður í teignum.

Hvað þýða úrslitin? Leiknismenn missa með þessum tveimur töpuðu stigum Keflvíkinga fram úr sér á toppi deildarinnar og eru í öðru sæti. Þórsarar stöðva tveggja leikja taphrinu og horft í stig unnið gegn liði fyrir ofan sig í töflunni. Vondur dagur Þeir ellefu Þórsarar sem mættu inn á völlinn í fyrri hálfleik. Það voru ekki þeir sömu og mættu út í seinni hálfleikinn. Dómarinn - 8 Mér fannst Egill dæma þennan leik mjög vel. Aðrir mega dæma um mögulegt seinna gula á Guy og hvort að Leiknir hefði átt að fá víti.