Þrátt fyrir fína takta í sóknarleik Fram þá náðu þeir ekki að nýta sín fjöldamörgu færi í leiknum, fyrir utan þetta eina snemma leiks. Það var varnarleikur þeirra sem sigldi stigunum heim, en þeim tókst að stoppa Þróttara frá því að eiga nokkur færi að viti í seinni hálfleiknum.

Orri Gunnarsson sendir stórfenglega fyrirgjöf inn í teig á Þóri, sem þarf að teigja sig aftur til að koma kollinum undir boltann og skalla hann yfir markmanninn. Frábært mark og réði í raun úrslitum.

Í raun breytist ekkert: Mótið er í járnum báðum megin í deildinni, Fram í dauðafæri við að komast upp og Þróttur er í bullandi fallhættu. Það eru bara tveir leikir eftir og allt getur skeð, Þróttur duttu niður í fallsæti á markatölu í dag og Magni á leik til góða á morgun.

Martinez var tekin út af í hálfleik og ástæða fyrir því. Hann náði sér í spjald snemma á kjánalegan hátt og var að fleygja sér í jörðina aftur og aftur, rífa sig við dómarann og svo framvegis. Hefði alveg getað verið komin með rautt þegar hann var tekin af velli.

Það var harka í þessum leik og dómarinn leysti verkið mjög vel.