Getumunur á liðunum fyrst og fremst. Held það sé ekki ósanngjarnt að segja að á eðlilegum degi ætti Valur líklega að vinna þetta lið stærra ef eitthvað er. Valskonur sýndu mikla grimmd í fyrri hálfleik og kláruðu leikinn þá og gátu fyrir vikið leyft sér að slaka á í þeim síðari.

Annað mark Vals var gjöf frá markverði HJK. Missir boltann til Elínar Mettu sem er í pressunni sem þakkaði fyrir sig eins og sannur framherji með marki.

Valur er áfram í næstu umferð forkeppninar og skrefi nær 32.liða úrslitum þar sem risarnir mæta til leiks.

Jonne Kunnas átti ekkert sérstakan dag á hliðarlínu HJK. Skartaði þó reffilegum frakka og trefli en virtist vera nokkuð kalt.

Maika Vanderstichel átti heilt yfir bara fínan dag. Klikkaði ekki á neinu stóru frá mér séð og stýrði leiknum ágætlega að stærstum hluta.