Það hlaut eitthvað að gefa eftir á endanum, Skagamenn komu inn í seinni hálfleikinn með látum og voru betra liðið það sem eftir lifði leiks.

Arnar Gunnlaugsson þjálfari Víkinga sagði eftir leik gegn Keflavík í fyrstu umferð að hann hafi beðið Helga Guðjónsson afsökunar á að hann byrjaði ekki. Helgi fékk svo byrjunarliðssætið í dag og þakkaði traustið í upphafi leiks þegar hann var réttur maður á réttum stað og fékk spyrnu Árna Snæs Ólafssona markvarðar ÍA í sig og þaðan í markið.

Liðin skipta með sér stigunum og skagamenn fengu þarna sitt fyrsta stig eftir að hafa tapað gegn Val í opnunarleiknum. Víkingar eru komnir í 2. sætið með 4 stig eftir tvær umferðir.

Leikmenn reyndu sitt en það var augljóst að þeim gekk illa að spila í aðstæðum á Akranesi. Það var geggjað gluggaveður, glampandi sólskyn. En fyrir utan gluggann var skítkalt, mikill vindur og leikmenn kvörtuðu meira að segja yfir að sólin væri lágt á lofti og truflaði þá. Völlurinn er ekki alveg kominn í sumargírinn heldur og bauð ekki upp á neinn glansfótboilta.

Pétur Guðmundsson stóð sig mjög vel í dag og lítið út á hann að setja.