Bara virkilega solid frammistða heilt yfir og sérstaklega í fyrri hálfleik. Blikarnir sáu ekki til sólar í fyrri hálfleik og Víkingar voru ekki í miklum vandræðum með Blika í seinni hálfleik heldur.

Varslan hjá Dodda Inga þegar Mikkelsen kemst einn gegn Dodda í stöðunni 1-0, gjörsamlega frábær varsla og ég er ekki frá því að Blikar hefðu unnið leikinn ef Mikkelsen hefði skorað þarna. Miðað við hvernig leikurinn var að þróast á þessum tímapunkti.

Úrslitin þýða að Víkingar eru enn taplausir eftir fjórar umferðir og tróna á toppi deildarinnar eins og staðan er núna. Blikar eru 7. sæti og gætu dottið í 9. sæti þegar þessi umferð klárast.

Kiddi Steindórs var frábær í síðustu umferð gegn Keflavík en Kiddi sást varla í fyrri hálfleiknum, var rosa lítið í boltanum og kom lítið upp úr honum, ekki það að nánast allt Blikaliðið í heild sinni voru mjög slakir.

Besti dómari landsins með frábæran leik. Vilhjálmur var með frábær tök á leiknum, stóru atvikin voru hárrétt t.d. þegar Kristall reynir að fiska víti en uppsker gult fyrir dýfu. Heilt yfir var Vilhjálmur bara geggjaður í þessum leik.