Fylkismenn voru bara grimmari og vildu þetta meira. Keflavík komst yfir snemma leiks en það er eins og það hafi kveikt undir Fylkismönnum sem sóttu hart að marki Keflavíkur og hefðu hæglega getað skorað fleirri mörk í kvöld.

Joey Gibbs komst loksins á blað með marki úr vítaspyrnu. Margir beðið eftir því að Joey Gibbs komist loks á blað. Orri Hrafn fær líka shout fyrir annað markið sitt en það var ekkert minna en glæsilegt skot sem söng í netinu.

Fylkismenn sækja sinn fyrsta sigur og lyfta sér upp töfluna í 7.sætið um stund í það minnsta. Keflavík dettur niður í 10.sætið.

Sindri Kristinn Ólafsson markvörður Keflavíkur hefur átt betri daga í marki Keflavíkur en í kvöld. Set spurningarmerki við hann í fyrsta markinu og fannst hann ekki vera hitta á sinn dag. Vörn Keflavíkur fær líka gott shout hérna í þessum dálki því miður þrátt fyrir landsliðsmennina 2 í öftustu línu.

Var með góð tök á leiknum og ekkert út á dómarateymið að setja. Flest allir dómar réttir og fékk leikurinn að fljóta þægilega.