Varnarmenn Keflavíkur réðu illa við Shannon í kvöld en slíkt hið sama má reyndar segja um margar í liðið Fylkis. Skilaði marki og lagði upp tvö auk þess að skapa helling fyrir liðsfélaga sína og ekki hafi orðið mörk úr.

Ætla að misnota aðstöðu mína og gefa Fylkisliðinu annað sætið sem heild fyrir þennan frábæra síðari hálfleik. Þar sem bikarinn er ekki partur af draumaliðsdeildinni sé ég mér fært að gera það. Til að nefna nokkrar. Fyrirliðin Hulda Hrund Arnarsdóttir frábær, Kolbrún Tinna Eyjólfsdóttir sömuleiðis. Keflvíkingurinn Íris Una Þórðardóttir sem fannst ekki leiðinlegt að taka á gömlum liðsfélögum sínum og gerði það af krafti og svo auðvitað Þórdís Elva Ágústsdóttir sem gerði tvö góð mörk og kom með aukna ógn í sóknarleik Fylkis. Ég gæti eflaust talið þær allar upp en heilt yfir frábær leikur hjá liðinu sem þær mega vera stoltar af.