Rauða spjaldið hafði auðvitað eitthvað að segja til um úrslitin, en það var frábær kafli ÍBV eftir stundarfjórðung í seinni hálfleik sem réði því að leikurinn endaði 2-2. Eyjamenn áttu þarna góðan fimm mínútna kafla, en annars var ekki mikið að frétta hjá þeim sóknarlega.

Rauða spjaldið. Ég veit ekki alveg með þetta, sást ekki nægilega vel í útsendingunni. Eyjamaðurinn steinlá og rauða spjaldið fór á loft.

Kórdrengir eru í fimmta sæti með átta stig og ÍBV í sjötta sæti með sjö stig. Bæði þessi lið ætla að berjast í toppbaráttunni í sumar. Engin spurning.

Halldór Páll Geirsson, markvörður ÍBV, Fyrra mark Kórdrengja skrifast algjörlega á hann. Markvörður í hans gæðaflokki á að gera betur.

Mjög fín tök á leiknum heilt yfir en ég set spurningamerki við rauða spjaldið. Hann var viss í sinni sök og ég treysti einum af bestu dómurum landsins í þessu tilfelli, þangað til annað verður sannað.