Heldur lokaður leikur, mikil barátta inn á miðjunni, leikurinn opnaðist loks síðustu 5 mínúturnar í sitthvorum hálfleiknum. Klaufalegt mark Þór/KA kom upp úr engu í upphafi síðari hálfleiks. ÍBV urðu sterkari og náðu inn jöfnunarmarki.

Fyrsta mark leiksins var ansi klaufalegt. Colleen Kennedy er með boltann hægra megin út á miðjum vellinum og er með slaka fyrirgjöf sem ætti ekki að vera erfitt fyrir Auði en hún misreiknar boltann eitthvað og hann lekur í netið.

ÍBV fer uppfyrir Þrótt með 13 stig í bili að minnstakosti en Þór/KA er í 7. sæti með 12 stig, aðeins þrjú stig niður í fallsæti.

Það vantaði bit í sóknarleik beggja liða. Það voru að koma hættulegir krossar inn á teiginn báðu megin en það vantaði bara að setja stóru tánna í knöttinn.

Vilhjálmur var flottur í dag. Það voru einhver veik köll um vítaspyrnur en held að hann hafi verið með þetta allt rétt.