Fótboltinn sem Afturelding spilar réði úrslitum í dag. Einfalt, hratt og hnitmiðað spil þeirra var að valda Víking Ó. allsskonar vandræðum. Hefðu auðveldlega geta skorað fleiri. Gef Ólafsvíkingum það að fyrri hálfleikur var allt í lagi en þeir virtust sprungir í þeim seinni. Aldrei spurning í Mosfellsbænum í kvöld.

Arnór Gauti skorar mark rétt fyrir hálfleik og kemur heimamönnum þá yfir. Mikivægt að fara inn í hálfleik með forystu því gestirnir opnuðu sig í seinni og þá hófst veislan sóknarlega fyrir Aftureldingu.

Afturelding nær í góðan sigur og nálgast liðin fyrir ofan sig. Víkingar þurfa einfaldlega á kraftaverki að halda ef fall á ekki að vera niðurstaðan.

Varnarleikur Víkings var ekki góður en þeir þurfa líka að kanna formið á nokkrum mönnum. Ansi margir sem virtust búnir á því undir lok leiks. Líkamlega og andlega.

Erlendur Eiríksson flottur í kvöld. Góð stjórn á leiknum.