Fyrri hálfleikurinn réði þessum leik. Stjörnumenn mættu miklu grimmari til leiks og komust yfir snemma í leiknum. Skagamenn gerðu alltof mikið af mistökum inn á vellinum í kvöld og Stjörnumenn nýttu sér þau og var leikurinn búin eftir 40 mínútur. Síðari hálfleikurinn var rólegur en Stjörnumenn náðu að verja mark sitt og skoruðu fjórða markið undir lokin.

Fyrsta markið sem opnaði þetta - Þorsteinn Már fékk hann við vítateig Skagamanna og lagði boltann út á Eggert sem keyrði inn á teig og kláraði frábærlega í fjærhornið.

Stjörnumenn eru komnir upp í níunda sæti deildarinnar með 16 stig og getur liðið andað aðeins léttar. Skagamenn eru með bakið upp við vegg á botni deildarinnar og þarf liðið á kraftarverki á að halda ef liðið ætlar sér að bjarga sér. Liðið fær HK í algjörum úrslitaleik upp á Skaga á næstkomandi Sunnudag.

Miðjan hjá ÍA - Leikurinn tapaðist á miðjunni hjá Skagamönnum í kvöld og mikilvægi Ísaks Snæs sýndi sig í leik Skagamanna í kvöld.

Sigurður Hjörtur og hans menn voru fínir í kvöld.