Eigum við að fara í einhverjar klisjur? Vildu Leiknismenn þetta meira en Valsmenn í dag? Leiknir sýndu þolinmæði, þrautseigju og virkilega agaðan leik sem skilaði sér loks á 81. mínútu leiksins.

Eina mark leiksins var virkilega stórt atvik í leiknum. Það var fátt sem benti til þess að við fengjum mark í leikinn á þeim tímapunkti en ein skyndisókn Leiknismanna breytti því á ögurstundu. Frábær sprettur frá Manga sem gerði allt rétt og skilaði boltanum í netið.

Valur heldur efsta sætinu þrátt fyrir tapið en er nú með einungis þriggja stiga forskot. Leiknir fer upp í 6. sætið með sigrinum. Nýliðarnir eru komnir með 21 stig.

Útileikmenn Vals áttu heilt yfir ekki góðan leik í dag. Þá sérstaklega fremstu þrír, Guðmundur Andri, Tryggvi Hrafn og Patrick Pedersen sem komust aldrei í takt við leikinn.

Getur gengið stoltur frá borði.