Guðmundur Aðalsteinn Ásgeirsson @gummi_aa

Textalýsing Skýrslan

Hvað réði úrslitum? Funso Ojo kom með sterka innkomu í seinni hálfleikinn af varamannabekknum. Hann bjó til mark snemma í seinni hálfleik. Færanýting Blika hefði mátt vera betri og fengu þeir grænklæddu tvö dauðafæri til að skora. Þeir naga sig í handarbökin væntanlega, en mega samt vera stoltir af sinni spilamennsku. Blikar eru að sýna það að íslensk lið þurfa ekki alltaf að pakka í vörn í Evrópukeppni til að eiga roð í andstæðinga sína. Geta farið stoltir út úr þessari keppni með þeirri frammistöðu sem þeir sýndu. Bestu leikmenn 1. Ryan Hedges (Aberdeen) Jájá, besti maður vallarins í dag. Gekk frá þessu einvígi með tveimur mörkum. 2. Jason Daði Svanþórsson (Breiðablik) Þessi efnilegi leikmaður sýndi að hann á heima á stóra sviðinu. Vantaði bara að setja boltann í markið. Anton Ari Einarsson, Gísli Eyjólfsson og Viktor Karl Einarsson voru einnig mjög góðir. Atvikið Færið sem Jason Daði strax eftir annað markið. Markvörður Aberdeen gerði mjög vel í að koma langt út á móti honum og loka á hann. Þrátt fyrir mjög góða frammistöðu, þá mun Jason eflaust eiga erfitt með svefn í kvöld.

Hvað þýða úrslitin? Breiðablik er úr leik og getur einbeitt sér að því að reyna að vinna Íslandsmeistaratitilinn. Aberdeen mætir Qarabag frá Aserbaídsjan í úrslitaeinvígi um sæti í fyrstu riðlakeppni Sambandsdeildarinnar. Vondur dagur Mér finnst Davíð Örn og Höskuldur geta gert betur en þeir gerðu í dag. Damir leit ekki vel út í fyrra markinu. Samt var frammistaðan heilt yfir mjög flott hjá Blikum. Dómarinn - 6 Ágætlega dæmt. Of spjaldaglaður fyrir minn smekk samt.

- Meðalaldur 13 ár

- Meðalaldur 28 ár