Fyrri hálfleikur Víkinga er bestu 45 mínútur sem ég hef séð íslenskt lið spila í sumar. Þeir voru með öll völd á vellinum og virtust ekki geta mistekist. Valsmenn voru bara ekki mættir til leiks og áttu ekki séns í fyrri hálfleik. Vöknuðu aðeins í þeim seinni en Víkingar áttu líka sín færi. Í heildina virkilega sanngjarn sigur Víkinga sem setur heldur betur spennu í toppbaráttuna.

Stríðsmaðurinn Sölvi Geir Ottesen bjargaði á ótrúlegan hátt á línu. Hann fórnaði höfðinu fyrir boltann þegar Tryggvi Hrafn átti bara eftir að koma honum yfir línuna. Rosalegur leiðtogi. Mögulega björgun tímabilsins

Víkingar jafna Valsmenn á toppnum en mark Vals undir lokin gerði það að verkum að Valsmenn eru á toppnum á markatölu. Næstu leikir verða eintóm gleði og mikil barátta um hverjir verða Íslandsmeistarar

Valsliðið frá A - Ö. Get ekki tekið neinn út nema kannski Patrick sem sást varla í leiknum. En allt liðið átti slæman leik

Helgi Mikael komst ágætlega frá þessu. Nokkur vafaatriði og hefði mátt vera duglegri við að gefa Valsmönnum gul spjöld þegar pirringsbrotin voru orðin nokkuð mörg.