Sæbjörn Þór Þórbergsson Steinke @saebjornth

Textalýsing Skýrslan

Hvað réði úrslitum? Ekkert 'löglegt' mark var skorað og því endaði leikurinn jafntefli. Daprar sóknir liðanna er það sem réði úrslitum. Vindurinn hafði einhver áhrif en útskýrði ekki lélegar ákvarðanatökur. Bestu leikmenn 1. Bjarki Aðalsteinsson (Leiknir R.) Bjarki var traustur til baka, átti eina frábæra björgun og skoraði mark sem var dæmt af út af ég veit ekki hverju. 2. Birkir Valur Jónsson (HK) Markverðirnir gerðu báðir tilkall í þessa nafnbót en það var eiginlega ekki alveg nóg að gera fyrir þá. Fannst Birkir hvað líklegastur að ná að brjóta upp varnarmúr Leiknis í seinni hálfleik. Traustur til baka. Atvikið Það er markið sem var dæmt af, Bjarki Aðalsteinsson skoraði með skalla eftir hornspyrnu en rangstaða var dæmd á Sólon, ég er ekki sannfærður með þá niðurstöðu.

Hvað þýða úrslitin? Fínt stig fyrir Leikni og stigið færir HK nær Fylki sem tapaði. Vondur dagur Sóknarleikur beggja liða, svo gott sem gæðalaus. Dómarinn - 4 HK átti að fá víti og Leiknir skoraði það sem ég held að hafi verið löglegt mark. Allt í lagi leikstjórn en stóru atvikin klikkuðu.