Fyrri hálfleikur Kórdrengja var virkilega góður og sóknarleikur þeirra skemmtilegur. Kórdrengir voru með yfirburði í þessum leik og stýrðu honum allan tímann. Þeir voru klárir í verkefnið eftir tvö töp í röð og kláruðu ískalda Þórsara.

Rauða spjaldið, Ásgeir Frank var sendur í sturtu fyrir að hafa farið í Ásgeir Marinó.

Kórdrengir halda sér áfram í séns þó sénsinn sé ekki mikill. Liðið er fjórum stigum frá ÍBV sem á leik til góða. Þórsarar eru í neðri hlutanum en ekki í neinni fallbaráttu.

Þórsliðið var virkilega slappt i heild sinni. Það var leiðinlegt að horfa á liðið, leikmenn virtust ekki hafa gaman af því að spila og virtust ekki hafa trú á verkefninu. Leikmönnum skortir sjálfstraust og þjálfarateymið hefur lokaleikina til að vinna í því.

Mér finnst brotið hjá Ásgeiri Frank ekki verðskulda rautt spjald. Það var annað í leikstjórninni sem truflaði flæðið í leiknum, nokkrar furðulegar ákvarðanir.