Sverrir Örn Einarsson @SEinarsson

Textalýsing Skýrslan Viðtöl

Hvað réði úrslitum? Gæðamunurinn á liðunum skein í gegn í kvöld. Stærstan part leiks voru Blikar með tögl og haldir og hleyptu gestunum úr Þór/KA aldrei á flug. Blikar gátu svo leyft sér að hægja á og bakka í síðari hálfleik. Bestu leikmenn 1. Natasha Moraa Anasi Fengur fyrir Blika og verður þeim mikilvæg í sumar. Gríðarlega öflug varnarlega og stöðvaði flest það sem Þór/KA reyndi. Örugg á boltann og uppskar þess auki mark. Annars var Blikaliðið heilt yfir mjög gott og margar sem áttu góðan dag. 2. Hafrún Rakel Halldórsdóttir Frábær fyrsti hálftími hjá henni. Tvö mörk og mikil ógn þar til hún þurfti því miður að yfirgefa völlinn. Atvikið Það var eitthvað fallegt við það að sjá Önnu Petryk ganga til vallar með þjóðfána sinn og sýna stríðshrjáðum löndum sinum stuðning. Eflaust erfiðir tímar fyrir þá úkaínsku sem fædd er í Kiev og lék með liði WFC Zhytlobud-1 Kharkiv í borginni Kharkiv sem hefur orðið illa úti í árásum Rússa.

Hvað þýða úrslitin? Blikar sækja sér þrjú stig á töfluna í fyrsta leik og hefja mótið með stæl. Þór/KA fær þar af leiðandi engin stig og þurfa að gíra sig upp í næsta leik sem er heimaleikur gegn Val. Vondur dagur Hafrún Rakel Halldórsdóttir sem eins og segir hér til hliðar átti skínandi leik fyrsta rúma hálftímann þurfti að yfirgefa völlinn vegna meiðsla. Í samtali eftir leik vonaði Ásmundur Arnarson þjálfari að það væri ekkert stórt en óttaðist þó að um ristarbrot væri mögulega að ræða. Vonum að sjálfsögðu að svo sé ekki og Hafrún verði mætt aftur inn á völlinn sem allra fyrst. Dómarinn - 7 Arnar þurfti lítið að hafa fyrir hlutunum í dag . Hélt sinni línu ágætlega og skilaði góðu dagsverki.