Pressa og áræðni Blika skipti sköpum í dag. Voru betri en FH á öllum sviðum leiksins í dag og þá sérstaklega í síðari hálfleik þar sem Blikar höfðu öll völd.

Fyrsta mark leiksins. Ísak skorar úr nánast engu og kýlir þar FH má segja í magann á leið inn í hálfleikinn. Hefði mögulega verið allt annar leikur ef FH hefðu náð að halda í jafnteflið. Einnig atvikið sem ég nefni í vondum degi, það gerir sterkt tilkall.

Blikar sitja á toppi deildarinnar ásamt Valsmönnum með fullt hús stiga. FH eru með þrjú stig eftir jafn margar umferðir.

Sóknarmenn FH sáust lítið en Gunnar Nielsen verður að taka á sig skúrkinn í dag fyrir skelfileg mistök í öðru markinu sem virtist rota svolítið FH því þeir skoruðu svo aftur strax í næstu sókn.

Solid sjöa og jafnvel daðrar við áttu hjá Ella í kvöld. Kannski einhverjir smávægilegir hlutir sem hægt væri að nefna en missti aldrei tökin og ekkert sem hafði áhrif á leikinn.