Einstaklingsmistök og værukærð í öftustu línu Aftureldingar komu heimakonum heldur betur á bragðið í fyrri hálfleik. Þróttarar komust í 4-0 stöðu með því að refsta gestunum harkalega fyrir sofandahátt aftast á vellinum. Heimakonur sofnuðu svo sjálfar á verðinum og voru alls ekki tilbúnar að mæta Aftureldingarliðinu þegar það setti allt í botn og mætti af krafti í síðari hálfleikinn. Sveiflukenndur markaleikur þar sem hvorugt liðið sýndi sinn besta leik. Áhorfendur fengu hinsvegar nóg fyrir peninginn.

Þriðja mark Þróttar var hrikalega fallegt. Katla Tryggvadóttir hamraði boltann í netið úr aukaspyrnu af 25 metrunum. Geggjað skot og Katla komin á blað í efstu deild.

Mótið er nýbyrjað og úrslitin þýða einfaldlega að Þróttarar vinna sinn fyrsta leik á tímabilinu og nýliðar Aftureldingar hafa tapað tveimur fyrstu deildarleikjum sínum.

Þrjú af fjórum mörkum Þróttar komu eftir klaufaleg einstaklingsmistök og slík mistök geta verið ansi dýrkeypt í Bestu-deildinni.

Fín frammistaða hjá tríóinu.