Gæði sóknarmanna Grindavíkur. Í annars gæðalitlum leik þá komust heimamenn í nokkrar sóknir og náðu að skora mörk svo einfalt er það.

Fyrsta mark leiksins kom á 44. mínútu og fram að því var ekkert sem lá í loftinu fyrir hvorug lið. Þetta var svo sannarlega kærkomið fyrir heimamenn sem gátu andað léttara í hálfleik.

Grindavík fer tímabundið upp í 1.sæti með 4 stig en það á líklega eftir að breytast þar sem þetta var fyrsti leikur umferðarinnar. Þróttur Vogum skellir sér í neðsta sætið með 0 stig og -6 í markatölu eftir 2 leiki.

Það voru margir leikmenn sem áttu vondan dag í dag en sá versti að mínu mati var Pablo Gállego Lardiés. Hann var algjörlega týndur í framlínunni og í þau örfáu skipti sem hann fékk boltann gerði hann lítið við hann.

Það var ekki mikið af stórum ákvörðunum sem Guðgeir þurfti að taka en í nokkur skipti stoppaði hann leikinn í langan tíma sem gerði leikinn leiðinlegri. Nokkur smá atriði sem voru röng hjá honum líka.