Fullt af færum sérstaklega í fyrri hálfleik. Þórsarar virtust vera að sigla þessu nokkuð örugglega heim þegar Silas nældi í hornspyrnu á síðustu mínútu venjulegs leiktíma. Chechu Meneses hafði hótað þessu einu sinni áður og reis manna hæst og tryggði heimamönnum stigið.

Jöfnunarmark á 90. mínútu í leik fullum af mörkum og marktækifærum. Stigið virtist farið fyrir Vestramenn sem sköpuðu ekkert eftir að Þór komust í 3-2 en skalli Chechu Meneses bjargaði þeim í dag.

Liðin eru áfram jöfn og með 5 stig eftir fjóra leiki. Bæði lið að hóta því að sigla lignan sjó í deildinni í sumar.

Toby King á miðju Vestra átti erfitt uppdráttar. Kom lítið út úr honum og hann leit afar illa út í fyrra marki Harley Willard þegar Willard náði að rekja boltann 40 metra með Toby í eftirdragi. Tekinn út af í hálfleik.

Fínn leikur hjá Einari. Vítaspyrnan virtist rakin og eina vafaatriðið hvort Woo átti að fá annað gult. Annars fín stjórn á leiknum.