Þór/KA náðu inn marki á markamínútunni 43. og fóru með eins marks forystu inn í hálfleik. Náðu svo að fylgja því eftir með marki snemma í síðari hálfleik svo Keflavík var farið að elta en náði ekki í skottið á Þór/KA.

Er það ekki bara fyrsta mark leiksins. Á markamínútunni frægu, gríðarlega mikilvægt fyrir Þór/KA að fara með forystu inn í hálfleikinn.

Þessi sigur Þór/KA þýðir einfaldlega að liðið er komið aftur á sigurbraut eftir þrjá tapleiki í röð og fer uppfyrir Keflavík í 7. sæti deildarinnar. Keflavík hefur nú ekki unnið í fjórum leikjum í röð.

Það slokknaði á varnarleik Keflavíkur á köflum. Sérstaklega í fyrstu tveimur mörkunum að mínu mati. Í fyrsta markinu var Tiffany alein í teignum og gat skallað boltann algjörlega óvölduð. Í öðru markinu ver Samantha boltann beint til Söndru sem skallaði í opið markið.

Frábær fótboltaleikur í dag og dómarinn þurfti lítið að skipta sér að.