Grindavík stóð sig betur í fyrri hálfleik og áttu nóg af færum til þess að vera 2-3 mörkum yfir í hálfleik. En í seinni hálfleik missti Grindavík svolítið tökin og Fjölnir fór að sækja meira. Heppnin var með Grindavík í lokin og hefði Fjölnir mögulega átt að fá vítaspyrnu.

Jöfnunarmark Grindavíkur á 90. mínútu leiksins var atvik leiksins. Svo má nefna það á 94. mínútu hefði Fjölnir alveg getað fengið víti, en Egill Arnar dómari leiksins ákvað að dæma ekki.

Grindavík liggur enn í fimmta sæti. Fjölnir fer upp í þriðja sæti í bili með þessu stigi. Grótta á leik til góða á Fjölni og getur komist yfir þá með sigri eða jafntefli.

Vörn Fjölnis átti skelfilegan fyrri hálfleik þar sem Kairo var oft dansandi fram hjá þeim. En svo í seinni hálfleik missti Grindavík tökin á leiknum og Fjölnir tók yfir.

Bara vel dæmdur leikur hjá Agli og hans teymi. Fannst það alveg geta verið víti í lok leiksins, en annars flottur leikur hjá þeim.