Frábær skemmtun á HS Orku vellinum í Keflavík. Leiftrandi sóknarbolti og sótt á báða boga. Fengum fullt af flottum færum í kvöld og skemmtilegan fótboltaleik.

Annað mark Stjörnumanna. Virkaði eins og misheppnuð sending innfyrir sem varnarmenn Keflavíkur létu fara en Ísak Andri lét reyna á þetta og elti þetta uppi. Sindri Kristinn virtist vera alveg með þetta út við endalínu í markteig en missir boltann frá sér og Ísak Andri nær boltanum af honum og hleypur að auðu markinu og skorar.

Bæði lið skipta með sér stigunum í kvöld. Keflvíkingar eru búnir með 10 leiki og spila ekki meira í júní svo þeir enda mánuðinn með 11 stig og eru efstir í neðri hluta. Stjörnumenn eru í 3.sæti stigi á eftir Víkingum en eiga leik til góða til að ná í 2.sætið.

Erfitt að gefa einhverjum þennan vafasama heiður en Þórarinn Ingi Valdimarsson byrjaði leikinn afleitlega og fær þennan heiður fyrir það. Að því sögðu þó þá vann hann sig vel inn í leikinn og þegar uppi var staðið er enginn sem á þannig séð skilið að vera hérna fyrir þessa skemmtun.

Solid 7. Sigga Ragga fannst gulu spjöldin á Ivan soft en það er kannski eina sem hægt er að tala um út frá hans frammistöðu hvort það var soft eða ekki. Var ekki að láta veiða sig í neina vítaspyrnudóma og heilt yfir bara vel dæmdur leikur.