Áræðni og kraftur KR kvenna fyrst og fremst. Jú eru heppnar í tveimur af þremur mörkum sínum en fyrir heppni þarf að vinna og það gerðu þær svo sannarlega í dag. Á sama tíma var Keflavíkurliðið ólíkt sjálfu sér og átti í miklum vandræðum með að skapa sér færi.

Annað mark KR. Frábær sending yfir vörn Keflavíkur. Rasamee tímasetur hlaupið fullkomnlega, tekur boltann niður og leikur inn á teiginn þar sem hún lætur vaða í nærhornið og kemur sínu liði yfir á ný.

KR liðið enn í 9.sæti deildarinnar en nú með sjö stig. Keflavík í því 7, með 10 stig.

Ana Paula Santos sem átti frábæran leik í fyrri leik liðanna í sumar fann aldrei taktinn í dag frekar en aðrir leikmenn liðsins.

Þokkalegasti dagur hjá Helga á flautunni í dag. Engin stór atvik til þess að segja frá og hélt sinni línu með ágætum.