Vestri náði ekki að loka svæðum og yfirvegað uppspil Aftureldingar fann leiðir trekk í trekk og þeir sköpuðu afar mörg færi. Brenton markvörður Vestra var í ham í fyrri hálfleik en Afturelding nýttu sénsana betur í þeim síðari.

Elmar Atli fékk rautt spjald og þar með fór leikurinn endanlega. Tvö spjöld sem er ekkert hægt að deila um sýndist mér.

Liðin eru nú jöfn að stigum og virðast ætla að sigla lignan sjó í sumar.

Varnarlína Vestra. Þeir skiptu úr fjögurra í fimm manna varnarlínu eftir skellinn gegn Fylki en þeir virka ennþá ansi ráðalausir. Færslur og dekkning virðast ekki á hreinu og nánast allar atrennur andstæðinga verða að dauðafæri.

Þónokkuð af vafaatriðum, vítaspyrnuköll og Elmar Atli sá rautt. Stundum skrítnir dómar inn á milli en ekkert sem hægt er að fullyrða að hann hafi gert rangt í stóru atvikunum.