Seigla KA réði úrslitum. Keflvíkingar settu gríðarlega orku í þennan leik og hefðu hæglega getað stolið sigrinum en sprungu í uppbótartíma og KA nýttu sér það og settu 2 mörk á þá.

Rauða spjaldið á Sindra Kristinn. Ásgeir Sigurgeirsson að sleppa í gegn og Sindri Kristinn kemur út á móti og rekur fótinn út rétt fyrir utan teig þegar Ásgeir er að taka skrefið til hliðar og fellur. Rautt spjald hárréttur dómur.

KA halda pressu á Víkingum og eru einu stigi á eftir þeim í 3.sæti deildarinnar en Víkingar eiga þó leik til góða. Keflvíkingar halda enn 6.sætinu á markatölu en það munar ekki miklu í KR í 7.sætið sem hafa jafn mörg stig.

Sindri Kristinn Ólafsson markvörður Keflavíkur tekur að sér þennan dálk. Patrik Johannesen fyrir framan markið fær líka shout en SIndri tekur þetta.

Hárrétt rautt spjald en hefði sennilega getað rekið Nacho Heras af velli og gefið víti þegar hann virtist handleika boltann í fyrri hálfleik. Teymið var stundum að gefa vitlausum liðum innköst og annað en sleppi teyminu með 5.