Sigríður Dröfn Auðunsdóttir @

- Meðalaldur 2 ár

- Meðalaldur 23 ár

Textalýsing Skýrslan Viðtöl

Hvað réði úrslitum? FH spilaði rosalega flottan og góðan sóknarleik í dag og Fjarðabyggð/Höttur/Leiknir áttu í vandræðum með að stoppa þær. FH hefðu hæglega getað skorað 2-3 mörk í viðbót. Bestu leikmenn 1. Rannveig Bjarnadóttir Átti mjög góðan leik, skoraði tvö mörk og átti nokkur skot á markið í viðbót sem hefðu vel getað endað í netinu. Var líka dugleg að vinna til baka þegar gestirnir beittu skyndisóknum. 2. Sunneva Hrönn Sigurvinsdóttir Það koma alveg margar til greina enda spilaði FH liðið í heild mjög vel en vinstri bakvörðurinn var mjög góð í dag og átti stoðsendingu og margar flottar fyrirgjafir. Hún tók flest öll föst leikatriði FH sem gerðu Fjarðarbyggð/Hetti/Leikni erfitt fyrir. Atvikið Upphafsmínúturnar voru svakalegar í leiknum, Beerglind Þrastardóttir skorar eftir 2 mínútur eftir góða sókn FH og Fjarðarbyggð/Höttur/Leiknir eru varla búnar að taka miðju þegar Linli Tu jafnar, fyrstu mínúturnar voru rosalega opnar og þetta var eins og að horfa á tennis.

Hvað þýða úrslitin? FH eru einar á toppnum með 3 stiga forskot og eiga leik til góða, þær eru á fljúgandi siglingu og hafa í síðustu þremur leikjum skorað 13 mörk og fengið á sig 1 svo allt virðist vera í toppmálum í Hafnarfirðinum. Fjarðarbyggð/Höttur/Leiknir er í 5 sæti með 21 stig, 5 stigum frá 2. sætinu sem gefur þeim sæti í Bestu deildinni á næsta ári, það eru 9 stig niður í 6. sætið svo þær sigla nokkuð lygnan sjó um miðja deild. Vondur dagur Það vantaði upp á sóknarleikinn hjá Fjarðarbyggð/Hetti/Leikni í dag og eftir að FH komst yfir náðu þær lítið að skapa sér, þær reyndu að sækja hratt þegar þær unnu boltann en ákvarðana takan var ekki mjög góð. Dómarinn - 7 Bara fínt og flott hjá Sigurði í kvöld.