Eftir að ÍBV komst tvívegis yfir í leiknum þá virtist eins og þeir væru orðnir bensínlausir og Keflvíkingar gengu á lagið og jöfnuðu stuttu fyrir leikslok. Þeir hefðu hæglega getað skorað fleiri mörk á loka mínútunum.

Adam Ægir Pálsson gerði lítið úr Guðjóni Erni í fyrri hálfleik. Fíflaði hann uppúr skónum á vinstri kantinum og klobbaði hann í kjölfarið. Maður fann til með Guðjóni Erni á þeim tímapunkti.

Keflavík jafnar KR að stigum og fara í 6.sætið á meðan ÍBV kemur sér upp fyrir FH og eru komnir í 9.sætið með 12 stig.

Magnús Þór Magnússon fyrirliði Keflvíkinga fékk höfuðhögg strax í upphafi leiks. Hann hélt þó leik áfram en þurfti hinsvegar að fara af velli á 15 mínútu.

Erfiður leikur að dæma. Miðað við erfiðleika stig þá komst Þorvaldur ágætlega frá þessu en nokkur stór atriði sem hægt væri að skoða betur. Var til dæmis boltinn inni í öðru marki Keflvíkinga?