KR-ingar misstu einbeitinguna á síðasta stundarfjórðungnum og Eyjakonur nýttu sér það til hins ítrasta. Eyjakonur gátu ekki neitt, og þá meina ég ekki neitt í fyrri hálfleik, en frammistaðan var mun betri í þeim seinni og mér fannst miklu meiri og betri andi í liðinu. Skiptingar hjá Jonathan Glenn voru mjög góðar og varamennirnir komu sterkar inn.

Markið sem varamaðurinn Hanna Kallmaier skorar. Það breytir leiknum. Einstaklingsframtak og glæsilegt mark sem byrjar endurkomu Eyjaliðsins.

ÍBV siglir lygnan sjó í fjórða sæti. Afskaplega fínt tímabil hjá þeim hingað til og klárlega eitthvað sem þær geta byggt á fyrir framhaldið. KR er á botninum en það er nóg eftir og þær geta klárlega haldið sér uppi - þær þurfa bara að spila allar 90 mínúturnar líkt og þær gerðu lengst af í fyrri hálfleiknum í dag.

Laufey Björnsdóttir átti erfiðan dag hjá KR og leit ekki vel út í mörkum tvö og þrjú hjá ÍBV. Madison Elise Wolfbauer og Sandra Voitane, tvær af framherjum ÍBV, voru þá frekar týndar lengst af.

Með góð tök og góða stjórn, aldrei í neinum vandræðum fannst mér. Vel dæmdur leikur!