Fylkir kunna að ná í úrslit í svona jöfnum leikjum. Frekar fá færi og þeir náðu að nýta sinn möguleika vel og stýra leiknum svo í höfn. Vestri áttu nokkuð fínan dag en eru ekki komnir það langt að finna leiðir til að vinna svona leik.

Í eins marks leik er það yfirleitt markið sem er atvik leiksins og það á vel við í dag. Þessi leikur virtist geta dottið hvoru megin sem er og mark Laursen í síðari hálfleik kláraði þetta fyrir Fylki.

Fylkir heldur í við HK í baráttu um titilinn en eru svo gott sem komnir upp í Bestu deildina eftir þetta. Vestri tapar öðrum leiknum í röð 0-1 en sigla jafn lygnan sjó og fyrir leik.

Fannst eiginlega enginn eiga það sem má kalla vondan dag.

Engir stórir dómar sem reyndu á hann en skrýtin lína oft í gulu spjöldunum.