Þorsteinn Haukur Harðarson @@thorsteinnhauku

Textalýsing Skýrslan Viðtöl

Hvað réði úrslitum? Blikar eru bara betri í fótbolta en Fram. Þeir voru kannski í svolítinn tíma að ná að brjóta ísinn en eftir það var sigurinn aldrei í hættu. Bestu leikmenn 1. Höskuldur Gunnlaugsson Höskuldur gefur sig alltaf 100% í verkefnið og kórónaði góðan leik með marki undir lokin 2. Viktor Karl Einarsson Margir sem koma til greina hérna en ég set þetta á Viktor. Flottur í leiknum. Atvikið Rauða spjaldið. Í stöðunni 0-1 var alltaf séns fyrir Fram að jafna en eftir rauða spjaldið var þetta aldrei spurning

Hvað þýða úrslitin? Framarar tapa sínum fyrsta heimaleik og missa í leiðinni af tækifæri til að bæta stöðu sína í baráttunni um sjötta sætið. Blikar ná í mikilvæg 3 stig í toppbaráttunni Vondur dagur Verð líklega að setja þetta á Jesus fyrir rauða spjaldið. Minnist á Ólaf Íshólm, markvörð Fram, líka. Hef miklar mætur á honum og veit að hann átti að gera betur í fyrra marki Blika. Dómarinn - 7 Ég hef verið skammaður fyrir að vera of jákvæður í garð dómara og Valtýr Björn vinur minn verður ekki sáttur núna. En Elías var bara fínn í kvöld. Fær mínus fyrir að reka fyrst vitlausan mann af velli en hann leiðrétti það sem betur fer.