Skiptingar Alfreðs áttu hlut í máli þar. 2-0 undir gerir hann breytingu sem opnar leikinn þegar hann setur Hilmar McShane og Kenan Turudija inná á 79. mínútu leiksins. Tveimur mínútum síðar hafði Grindavík minnkað munin og jafnað á þeirri 83. Að sama skapi má segja að Vestraliðið hafi mögulega slakað full mikið á og hleypt Grindvíkingum of nálægt marki sínu og boðið hættunni heim. Svo er það spurningin með þennan vítadóm sem miðað við viðbrögð beggja liða eftir leik orkaði líklega ansi tvímælis.

Vítaspyrnudómurinn alveg klárlega sem ég sá ekki fyrir sólinni. En þeir sem hann sáu betur en ég telja hann ansi vafasaman í besta falli og skiptir þá engu hvoru liðinu þeir fylgja. Segir kannski meira en margt annað.

Bæði lyfta sér upp um eitt sæti. Grindavík fer í það 8. en Vestri í það 6. Annað er ekki hægt að tala um enda liðin aðeins að leika um stoltið.

Gunnar Heiðar Þorvaldsson fær þetta í dag. Liðið hans er 2-0 yfir og 10 mínútur lifa leiks. Vont fyrir þjálfara að sjá lið sitt glutra niður forystu og hefur flugið heim ábyggilega verið grautfúlt. Hann mætir þó vonandi hress á Herrakvöld Vestra og skemmtir sér vel.

Get ég lækkað hann fyrir vítadóm sem ég sá ekki? Nei hann sleppur með það frá mér í dag en ég efast ekki um að hann Guðmundur geti betur.