Fylkismenn nýttu sín færi í fyrri hálfleik og gerðu útum leikinn með þriðja markinu.

Í stöðunni 2-0 fékk Luke Rae algjört dauðafæri eftir varnarmistök hjá Arnóri Gauta. Luke Rae nýtti hinsvegar ekki færið og stuttu síðar komst Fylkir í 3-0 sem kláraði leikinn mætti segja.

Fylkir hefur tryggt sér sæti í Bestu-deildinni á næsta ári og á sama tíma eru vonir Gróttu um sæti í deild þeirra bestu eru gott sem búnar þar sem HK vann sinn leik á sama tíma og munar nú níu stigum á liðunum þegar þrjár umferðir eru eftir.

Jón Ívan Rivine hefur sennilega átt marga töluvert betri daga en í dag. Það er alls ekki hægt að skrifa einhver mörk Fylkis alfarið á hann en hlutverk hans er hinsvegar að verja mark Gróttu og það gekk ekki alveg sem skyldi. Varnarleikur liðsins í heild sinni var síðan ekki að hjálpa til.

Finninn, Juho Nieminen fór létt með þetta verkefni og getur verið stoltur af sinni frammistöðu. Erfiðleikastigið var ekki hátt svosem.