Gæðaleysi hjá báðum liðum fannst mér, það komu nokkur augnablik þar sem var einhver hætta á ferðum. KR kannski aðeins sterkari aðilinn í þessum leik og myndi segja þetta hafi verið nokkuð sanngjörn niðurstaða. Gæðin lítil sérstaklega fyrir framan teig beggja liða..

Atli Sigurjónsson fékk dauðafæri með nánast síðustu spyrnu fyrri hálfleiks en setti boltann yfir markið. Mark þar og þessi leikur hefði verið allt annar og mikið högg fyrir FH hefðu þeir farið marki undir í seinni.

FH sitja eins og er í 10.sæti deildarinnar með 15 stig og aldrei að vita hvað gerist á Kópavogsvelli en ef Leiknir vinna Blika eru FH í fallsæti.

Fannst Ægir Jarl langt frá sínum besta degi í dag og ég varla tók eftir honum í fyrri hálfleik og varla í þeim síðari. Komst aldrei í takt við leikinn og vantaði meira frá honum í kvöld.

Stórt spurningarmerki um vítaspyrnu í lokin, eftir að hafa séð þetta í sjónvarpinu er rosalega erfitt að sjá hvort um vítaspyrnu sé að ræða, erfitt fyrir mig að segja. Annars ágætlega dæmt hjá Helga.