Gestirnir voru betri lengstum í leiknum og sérstaklega með vindi í seinni hálfleik. Jöfnunarmarkið í lok leiks var heldur betur verðskuldað og átti Fram jafnvel skilið meira en stig úr þessum leik. Valsmenn fengu sín færi en Framarar voru sterkari milli teiga. Frammistaða gestana var heilsteypt á meðan frammistaða Vals var ekki upp á marga fiska.

Þegar Frederik náði einhvern veginn að verja frá Tiago og svo jöfnunarmarkið. Ótrúleg varsla og svo klaufagangur í vörn Valsmanna í bland við klókindi Framara sem skiluðu jöfnunarmarki.

Valsmenn elta áfram liðin þrjú fyrir ofan sig en þessi 'tvö töpuðu stig' hjálpa þeim ekkert. Framarar horfa áfram í þann möguleika að ná KR og enda þar með í efri hlutanum í lok deildarkeppninnar. Svekkelsi hjá Val með frammistöðuna og svekkelsi með stigið en heimamenn áttu ekkert meira skilið.

Tryggvi Hrafn getur nagað sig í handarbökin að hafa ekki nýtt þá sénsa sem hann fékk í leiknum.

Virkilega góð frammistaða.