Lengst af var afskaplega fátt um færi í leiknum. FH skapaði sér ekkert almennilegt marktækifæri fyrr en eftir að KA missti mann af velli með rautt spjald. Það kveikti í heimamönnum sem náðu að kalla fram sjálfstraust og nýta sér liðsmuninn.

Rauða spjaldið. Allt í einu var þetta orðinn allt annar leikur og lokakaflinn var algjör rússíbani eftir að skemmtanagildið hafði verið takmarkað.

Þetta gerir ekki eðilega mikið fyrir FH sem hefur átt svo þungt og erfitt tímabil. Framundan er skyndilega bikarúrslitaleikur með öllu því fjöri sem því fylgir og Evrópusæti í augsýn. Erfitt að kyngja fyrir KA sem hefði farið langt með að ná til Evrópu með sigri.

Bryan Van Den Bogaert er skúrkurinn og hreinlega eyðilagði þetta fyrir lið sitt og liðsfélaga. Fær gult spjald fyrir algjört óþarfa dómaratuð og nælir sér svo í annað gult spjald á kjánalegan hátt. Ótrúlega heimskulegt.

Samkvæmt laganna bókstaf hefði hann átt að gefa Jóhanni Ægi Arnarssyni sitt annað gula spjald og þar með rautt þegar hann kom inn á völlinn án leyfis. Pétur hafði góða stjórn á leiknum en klikkaði á stóru atriði.