Eftir kröftuga byrjun Leiknis þá var bara eitt lið á vellinum í 75.mínútur og Víkingar gengu á lagið og skoruðu níu fótboltamörk og var liðið geggjað í kvöld.

Fyrsta markið sem setti flugeldasýninguna í gang þegar Víkingar unnu boltann ofarlega eftir varnarmistök Leiknis. Birnir Snær setti boltann inn á teiginn sem Helgi Guðjóns hælaði áfram á Ara Sigurpáls sem kláraði yfirvegað í netið.

Víkingar lyfta sér upp í annað sæti deildarinnar og er liðið með 39.stig en liðið er níu stigum á eftir toppliði Breiðabliks. Leiknir situr áfram á botni deildarinnar með 14.stig og er liðið tveimur stigum frá öruggu sæti.

Leiknir - Leiknisliðið lenti á vegg í kvöld og fékk á sig níu mörk í kvöld. Uppspil liðsins gékk alls ekki upp í kvöld og Víkingarnir unnu boltann trekk í trekk þegar Leiknismenn voru að reyna færa boltann upp völlinn og ég get ekki ímyndað mér að Siggi Höskuldsson sé sáttur með sitt lið og geri ég ráð fyrir að liðið mæti með blóðið á tönnunum í næsta leik sem er gegn Val heima.

Einar Ingi og hans menn voru flottir í kvöld þótt það hafi ekki reynt mikið á teymið í kvöld.