Liðin reyndu að spila þennan leik eins vel og þau gátu í krefjandi aðstæðum, en völlurinn var virkilega blautur. Þetta var því ekki fallegasti fótboltaleikur sem spilaður hefur verið en bæði lið fengu ágætis sénsa til að setja mark. Besta færið fékk ÍBV á 83. mínútu þegar þær klikkuðu á vítaspyrnu. Þegar uppi er staðið þá var það misnotuð vítaspyrna sem varð til þess að liðin skildu jöfn.

Vítaspyrnan á 83. mínútu. Madison gat svo gott sem tryggt ÍBV stigin þrjú en átti arfaslaka spyrnu. Aðhlaupið var skrítið og skotið vel framhjá markinu.

Breiðablik gerðu nánast út um vonir sínar að ná Valskonum á toppi deildarinnar en þær eru nú sex stigum frá þeim þegar fjórar umferðir eru eftir. Valur og Breiðablik mætast í næstu umferð. ÍBV fer upp fyrir Selfoss í 5. sæti deildarinnar. Þær fara norður og mæta Þór/KA í næstu umferð.

Fannst allir leikmenn vera að reyna að spila eins vel og aðstæður leyfðu. Það hefur komið meira út úr Birtu Georgs og Helenu Ósk. Madison klikkar á vítaspyrnu og er líklega ósátt. Hún átti samt fínasta leik fyrir það.

Erfitt að meta þetta, Elías dæmdi leikinn ágætlega. Á eftir að sjá vítaspyrnudóminn aftur en virtist rétt við fyrstu sýn. Svo er annað mál hvort leikurinn hafi átt að fara fram en það verða aðrir að dæma um það.