Mist Rúnarsdóttir @MistRunarsdotti

- Meðalaldur 9 ár

- Meðalaldur 21 ár

Textalýsing Skýrslan Viðtöl

Hvað réði úrslitum? Leikplan Keflvíkinga gekk fullkomlega upp og eins og svo oft áður í sumar var baráttan og vinnuframlagið til fyrirmyndar. Þróttarar voru meira með boltann en Keflvíkingar vörðust gríðarlega vel í eigin vítateig og voru svo beinskeyttar þegar tækifæri gáfust fram á við. Á meðan Keflvíkingar nýttu færin sín gerðu heimakonur það ekki og voru alls ekki eins beittar og þær eiga til að vera sóknarlega. Bestu leikmenn 1. Caroline Van Slambrouck Miðvörðurinn var gríðarlega öflug í dag. Sérstaklega í eigin vítateig þar sem hún skallaði hvern boltann á fætur öðrum í burtu. 2. Kristrún Ýr Hólm Kristrún Ýr lék við hlið Caroline í hjarta Keflavíkurvarnarinnar og var ekki síðri. Hún átti nokkrar mjög mikilvægar tæklingar og skallaði fjölda bolta úr eigin vítateig. Hjá Þrótti var Danielle Marcano öflug, sérstaklega eftir að hún fór út til hægri. Atvikið Þriðja mark Keflavíkur. Þróttarar höfðu farið tveimur mörkum undir inn í hálfleik. Þær byrjuðu seinni hálfleikinn af gríðarlegum krafti og Ólöf Sigríður minnkaði muninn á 49. mínútu. Einhverjir sáu fyrir sér endurkomu en ekki Snædís María Jörundsdóttir og Keflavíkurkonur sem tóku miðju, brunuðu í sókn og svöruðu strax með sínu þriðja marki. Fyrsta mark Snædísar Maríu fyrir Keflavík.

Hvað þýða úrslitin? Keflvíkingar eru komnar í 16 stig, 7 stigum frá Aftureldingu sem er í 9. sæti. Gríðarlega mikilvæg stig sem gefa Keflavík svolítið andrými þó enn séu auðvitað 9 stig eftir í pottinum. Baráttan um 2. og 3. sæti deildarinnar ætlar að verða áhugaverð en bæði Blikar og Stjarnan töpuðu stigum í síðustu leikjum, rétt eins og Þróttarar gerðu í dag. Vondur dagur Flestir leikmenn Þróttar hafa átt betri daga. Liðsvarnarvinnan í fyrsta marki Keflavíkur var skelfileg og Íris Dögg og Lorena áttu að gera miklu betur í því þriðja. Fram á við sköpuðu Þróttarar sér fínar stöður en það vantaði klókindi fremst á vellinum og leikmenn spiluðu ansi oft hreinlega inná styrkleika Keflvíkinga. Dómarinn - 6 Ekkert spes leikur hjá tríóinu. Í blaðamannastúkunni var töluvert rætt um túlkanir á hinum og þessum atvikum í leiknum og eflaust hægt að færa rök fyrir dómum sem okkur þóttu skrítnir. Ekki var um nein risa atvik að ræða en það hefur sem dæmi auðvitað áhrif á gang leiksins þegar einn leikmaður þarf að spila á spjaldi en annar ekki.

- Meðalaldur 5 ár

- Meðalaldur 19 ár